Liebi Füürwehrler

Scho bald goht das Joohr sim Änd entgäge, also Zyt für euse traditionelli Dezämber-Hogg. Mir träffe uns im Volta-Quartier, die meischte vo uns, hän dört uf die einti oder anderi Art & Wys gwirggt…. Das im Joohr 1932, erbauti „IWB-Unterwerk Volta“, zur Stromversorgig vo Basel-Nord, hät däm Quartier de Name gäh. Sit guet zwei Joohr git’s dört im EG, e chlini und feyni Brauerei, d‘Volta Bräu mit Bar. De Braumeischter füehrt persönlich durch sini Bier-Fabrik. D‘Brauereitour goht ca.½ Std und choschtet 18 Frangge pro Nase, inbegriffe isch e Verchoschtig vomene Jungbier im Brauchäller, in de Bar e Stange Bier und e Bräzel mit „Obazda“. Für‘s nachherige g‘mietlige Zämmesy, sind ab 18:30 im „Restaurant & Bierstube zum Stadtkeller“ Plätz reserviert.

 

Träffpunggt: Do. 01.12. 2016, 16:45 / Volta Bräu, Voltastrasse 30
Afahrt: 11-er bis Voltaplatz oder 1/14-er bis Novartis Campus



    
  

Nach de interessante Infos vom Braumeischter, de gmietlige Apéro-Hogg in  de Bar vo de Volta Bräu



Wyter goht's zem Hogg im Stadtchäller a de Märtgass


...mit feynem Ässe und Dringge