2015 / Wandergebiet Braunwald

’goht nach Bruunwald ins Wandergebiet uf 1256m überem Linthal, e autofreie Ort mit ussergwöhnliger Usicht in d‘Glaneralpe. D’Afahrt mit de SBB füehrt eus zum Bhf Linthal/Braunwaldbahn, vo dört wyter mit de Standseilbahn (FUN) nach Bruunwald. Nach eme kurze Fuessmarsch (10-15Min.) träffe mir im Hotel „Cristal“ y, dört düen mir z’Nacht ässe und logiere. Zum Wandere & Spaziere git’s vieli Möglichkeite, vo Dorfspaziergäng bis Panoramawanderig. Nöch bim Hotel git‘s e Gondel-u.Seilbahn, GB uf’s Grotzebüel (1559m), SB ufe Gumen (1901m). Also gnueg Möglichkeite für zwei unternähmigsvolli Dääg, es muess underwägs au keine verdurschte und verhungere…. Zum spötere Donnschtignomidaag goht’s ab Bruunwald, via Linthal und Züri, heimwärts nach Basel.

Wandervorschläge 1. Tag
Kurzstreggi: Braunwald(1256m)-Unt.Staffel(1252m)-Nussbüel(1263m) Marschzyt hin+zruggca.2h,leicht, Alternativ git‘s 3 Dorfspaziergäng vo 25 Min. bis 1½ Std.
Lanstreggi: Wie Kurz bis Nussbüel(1263m)-Rieter Ortstafel(1731m)-Bergetenseeli(1644m)-Ob.Stafel(1602m)-Plätz(1488m)-Mattrufi/Brummbachfall(1404m)-Hotel Cristal, Marschzyt ca. 4½h, mittel-schwer.

Wandervorschläge 2. Tag
Kurzstreggi: Hotel(1310m)-Mattrufi/Brummbachfall(1404m)-Plätz(1488m)-Gisenegg(1410m)-Hotel Cristal(1310m)-Braunwald(1256m), Marschzyt 1½ - 2h,leicht-mittel
Lanstreggi: Hotel Cristal(1310m)-Grotzebüel(1559m)-Chnügrat(1855m)-Gumen(1901m)-Grotzebüel(1559m) mit GB zum Hotel Cristal(1310m), Marschzyt ca.4h, schwer
Variante: Mit GB hin & zrugg nach Grotzebüel, Räst wie Lanstreggi, Marschzyt ca.3h, mittel-schwer,


      1.Tag

  
Trupp 1: Unterwägs ufe Gumen

  
Trupp2: Unterwägs zum Grotzenbüel

Video-Clip "Pastis-Zeremonie"

 
 E gmietligs Zämmehogge bim Nachtässe in Hotel Crystal

       2.Tag

  
 Trupp 1: E Spaziergang zum Nussbüel mit Rascht in de urchige Buurebaiz

  
 Trupp 2: Wanderig via Brummbachfall & Zwärgewäg zrugg nach Bruunwald

 
Flora-Impressione en miniature 

  
z'letschtd e feyn Mittagässe im Chalet Hotel Ahorn